la vivo

tro malrapida malhelpilo

2007-11-24T00:47:00.000-08:00

mia plej severa problemo blogumi en "blogspot" estas malrapide deŝutebleco de "blogger.com". multfoje mi provis deŝuti paĝojn por aldoni komentariojn aŭ blogaĵojn, tamen mi malsukcesis ĉiufoje. ŝajnas ke mi devas ŝanĝi la servilon "blogger" se mi ne sukcesos plu. malfacile estas blogume per tiel malrapidja konektiloj al la reto. krome, multfoje ni vidas filtrigan paĝon kiu diras al ni ke ni ne havas rajton eniri al paĝo kiun vi celas. mi opinias ke filtrado estas unu el la plej malsaĝoj agoj de homo sapience.

revivo

2007-11-21T01:51:00.000-08:00

longe longe me silentis. me ne intence ĉesis blogi nek nun intencas priskribi la kialon, sed nur pluen-iri la vojon. tio estas ke mi denove intencas revivi tiun ĉi blogon. me esperas ke denove mi povos re-havi blogajn geamikojn, intrŝanĝi ideojn kaj plifortigi la jam stariĝintajn amikecojn. sed pli agrable havi novajn retajn geamikojn.

revene hejmen

2007-08-10T06:24:00.000-07:00

mi jam estas hejme post fora vojaĝo al kanado. tio estis mia unua vojaĝo al nordameriko, kvankam kelkfoje mi vojaĝis al sudameriko dum pasintaj jaroj. revene hejme mi estis survoje dum 48 horoj!

en kanado

2007-07-22T11:21:00.001-07:00

saluton el Saskatuno, Kanado, kie mi estas de antaŭ unu semajno. Bedaŭrinde mi ne povis trovi e-iston en tiu ĉi malgranda urbo. Malofte okazas tiel ĉi al mi, ĉar preskaŭ ĉi en la mondo mi sukcesis trovi e-iston. Mi scias ke loĝas multaj e-istojn en Kanado.

pasporton al koroj

2007-07-08T19:56:00.000-07:00

fine mi trovis neniun e-iston en Saskatuno(kanado). ŝajnas ke neniu e-isto loĝas en tiu regiono. ĝis nun mi vojaĝis al multaj landoj. preskaŭ ĉie mi trovis almenaŭ unu. ĉu telefone ĉu vizaĝe mi povis paroli la lingvon en multaj landoj. eĉ en kelkaj urboj mi sukcesis partopreni en e-kunveno(j). tio estas granda avantaĝo: ĉie kontakti homojn sen lingva problemo. pasporton al koroj ni posedas, ĉu ne?

peto aŭ demando!

2007-07-02T19:18:00.000-07:00

baldaŭ mi vojaĝos al Kanado por mallonga periodo. mi estos en Saskatoon universitato (Saskaĉevano) de 15a ĝis 22a de Julio. Ĉu iu el la legantoj de tiu ĉi vortoj konas e-isto(j)n loĝanta(j)n en saskatoon por iom praktiki la lingvon kaj interparoli en E-o? la vojaĝo estos plene fruktodona se mi povus uzi E-on enkaŭ tie! antaŭdankon.

mia retpoŝto: karamudini@gmail.com

dormu trankvile

2007-06-13T19:28:00.000-07:00

esti pasero

2007-06-12T18:55:00.000-07:00

paseroj estas pli multnombraj kaj pli bruantaj birdoj ol piknonotoj, pri kiu mi notis ĉisube antauhieraŭ. ŝajnas ke ili devas ĉiam kompeti por pluvivi. mi ne vidas la vivon facila por ili. ĉu vi pensis kiel kaj kia estas la mondo el vidpunkto de pasero?

birdeto

2007-06-10T19:17:00.000-07:00

piknonoto (pycnonotus leucotis) estas belsona birdo, kiu vekas min matene. de kelkaj jaroj tiu ĉi belaspekta kaj belsona birdo ofte kantante frumatene vekas min. la biro estas tipo de birdoj kiuj loĝis en duontropika regiono de suda parto de irano ĝis antaŭ kelkaj jaroj kaj manĝis nur daktilojn. tial en la persa oni nomas ĝin najtingalo de daktilo.ĉar en tehrano mankas daktilarbo. tial oni konstatas ke tiu ĉi birdeto ŝanĝis sian nutran konduton.

neilustristo kiu ilustras

2007-06-10T05:42:00.000-07:00

mi ne estas profesia ilustristo nek sperta grafisto. tamen mi ĝojas fari tion amatore kaj rigardi al tia ĉi bona arto. anonimo demanis min ĉu mi ankaŭ preparas paĝkovrilon por e-aĵoj. mi do devas respondi ke jes. sed neprofesie! ĉu deziras mendi ion al mi? ek!

kovrilo

2007-06-08T18:34:00.000-07:00

plejeble vi ne povas legi tiujn ĉi vortojn, se vi estas ne-iranan(in)o. tiun ĉi bildon me mem faris por nia plej nova libro, kiu aperos post kelkaj monatoj en la persa.
mi faris la kovrilon nur laŭ mia mema plezuro, ne por publikiĝo. ĉar prepari la kovrilon ne estas afero de la verkistoj, sed respondecas por ĝi la eldonejo. desegninte ĝin, mi nur volis esprimi ke mi ŝategas ke por komuniki la enhavon, la kovrilo aspektu tiel ĉi!
la verda estas la persa vorto por "biologio" kaj en la ruĝa estas vortoj por "molekula alproksimiĝo". la vortoj en nigra supre meldekste signifas la nomon le la eldonejo. nia skribmaniero estas arab-devena, dum nia lingvo mem estas ne-araba sed hindeŭropa.

mia laboro

2007-06-08T06:50:00.001-07:00

mi devas iom klarigi kial mi devas laboregi post emeritiĝo! kvankam mi emeritiĝis antaŭ ĉ. 1 jaro, mi ankoraŭ laboras kiel editoro. unue, mi estas ĉefeditoro de scienc-eduka magazino, kaj due, mi laboras por perslingvaj eldonistoj kiel editoro, tradukinsto kaj eĉ kompilisto. tial "vortoj" estas gravaj ĉe mi. especiale persaj kaj anglaj! nia lingvo estas la persa dum mia traduklingvo la angla.
fine perlabori per "vortoj" ne estas facile. la salajro de emeritoj estas tro malalta en nia lando, bedaŭrinde.

karaj legantoj de mia blogo,

2007-06-07T20:14:00.000-07:00

mi kaj la familianoj fartas tute bone kaj deziras ĉion bonan al vi ĉiuj.

bedaŭrine malgraŭ miaj antaŭvidoj, nuntempe mi estas ege okupata de multnombraj diversaj okupaĵoj: pleje profesiaj.

mi antaŭvidis ke post mia emeritiĝo, kiu jam komencis de antaŭ unu jaro, mi ekhavus multan liberan tempon por aktivado por eo, ekzemple pliaktiviĝi en la ŝatata temo. sed bedaŭrinde nuntempe, iom legi kaj samtempe iomete skribi en eo faras mian nuran aktivadon en eo!

restas en mia menso esperon komenci pliserioze laboro por eo post monato, ekde kiam ni transloĝos al nia somera loĝejo en kvieta urbeto. dankon por via pacienco legi tiun ĉi blogaĵon.

signoj de l' vivo

2007-05-12T18:14:00.000-07:00

jen loko kiun mi vizitis antŭ du monatoj. la bildo montras groton, en kiu loĝas homoj. la loko nomiĝas meymand (mejmand) ĉ. 35 km for de ;a urbo ŝahr-e-babak, en la provinco de kerman irano. mejmand estas turisma loko, kie preskaŭ ĉiuj loĝas en grotoj. bedaŭrine dum kiam ni vizitis la lokon. pluvis nekutime intense. tial mi ne povis havi miltajn fotojn de la interesa vilaĝo.

Araba William Shakespeare

2007-02-16T03:47:00.000-08:00

ReTo raportis en sia perslingva blogo, Esperanto: La Dua Lingvo por Ĉiuj "Kurtaj informoj pri Esperanto en la persa" ke li trovis en Pollando libreton "Imamo Ali, Arabaj Maksimoj de la sepa jarcento kaj aliaj diversaj maksimoj" kiun verktradukis "Husein Al-Amili" en 1967.

Notinda estas ke laŭ la verkisto, "William Shakespeare" estis Arabdevena, ĉar oni povas observi en lia verkaro influon de la Islama kaj araba literaturoj. Mi kaptas la okazon esprimi ke mi tutkore deziras sanon kaj longan vivon al nia kara amiko Husein Al-Amili kaj sukceson al ReTo.

feliĉan novan jaron

2007-01-04T20:50:00.000-08:00

De kelkaj tagoj ni jam estas en la jaro 2007. En Irano oni malmulte parolas pri la Kristnask-baza novjaro, ĉar ĉi-tie oni festas la novjaron en la Marto 21a, kiam okazas laŭsezona printempa ekvilibro en nia regiono. Tial en nia lando ĉio ade iras normale, sen ferioj kaj festoj. Malvarma, sed sunplena vetero regas nun Tehranon. Hodiaŭ estas vendredo, la semajnfina feria tago. Tial Matene silento regas la tutan urbegon Tehranon, anstataŭ tumultoj kaj bruoj.
Mi deziras al ĉiuj vi feliĉan novan jaron 2007.

La plej longa nokto

2006-12-21T04:01:00.000-08:00

Hodiaŭ estas denove la plej lasta tago de aŭtuno. Konsekvence ĉi-nokte la plej longa nokto de la jaro kaj do hodiaŭ la plej mallonga tago de la suna jaro. Ĉio okazos laŭ nia malnova suna kalendaro. En Irano oni nomas la plej longan nokton "Jalda" festonokto. "Jalda" devenas de Aramea radiko signifanta "naskiĝo". Ĉar Oni kredas, ke Jesuo parolis aramee, kelkaj diras ke "Jalda" estas naskiĝofesto de la Kristo. Tamen preskaŭ ĉiuj en Irano kredas ke "Jalda" estas la naskiĝonoko de la suno!

Kutime oni klopodas festi la nokton. Precipe gefamilianoj kunvenas mangi fruktojn dum la nokto. Tial la fruktoprezo kulminas hodiaŭ. Por festi la nokton hodiaŭ mi aĉetis iom da fruktoj (akvomelono, pomgranato kaj persiko) pagante la sumon egala al mia taga salajro!

verda domo

2006-11-19T02:07:00.000-08:00

hodiaŭ mi ricevis retmesaĝon el iran-usona samideano, kiu anoncis verdan domon en Arizona, Usono. la domo, kiu havas babilejon, naĝejon, bibliotekon piknikejon ktp. gratulojn al d-ino Angelina Taremi, aktivulino.mi ekmemoris ke antaŭ 20 jaroj "verda domo" estis nomo de E-kunvenejo en Tehrano. tie kunvenis preskaŭ ĉiam gee-istoj el Tehrano, el la tuta lando kaj iam el aliaj landoj. oni kunvenis tie por lerni, komuniki, konversacii, festi ktp. la pordo ĉiam estis malferma al ĉiuj vizitantoj. bedaŭrinde tiu verda domo fermiĝis antaŭ pli ol 15 jaroj. la fermo kaŭzis ke oni perdis multajn geamikojn, kiujn altiris la domo. domaĝe.

malpacienco, ĉu malsaneco?

2006-10-16T10:30:00.000-07:00

mi dubas ke multaj el vi, karaj legantoj, ne havas paciencon finlegi longajn skribaĵojn. bedaŭrinde mi estas de tiuj homoj, kiuj preferas mallongajn skribaĵojn. mi eltrovis ke ne abundas tiaj homoj kiel mi, kun malgranda pacienco. ĉu ne? multfoje mi konservis longajn notojn por finleiĝi poste, sed bedaŭrinde tio neebliĝis plej ofte.

la unua aŭtuna pluvo

2006-10-15T19:08:00.000-07:00

de antaŭ kelkaj horoj mi jam aŭdas brueton de pluvo. aparte grava estas la pluvo, ĉar tiu ĉi estas la unua pluvo, kiu malsekas Tehranon post kelkaj monatoj. ĉi-jara somero pasis tute senpluve. dume antaŭ monato ni spertis grandan pluvegon en la norda parto de la lando, kie enhavas malsaman klimaton. oni ja vidas ŝanĝon de la klimato dum proksimaj jaroj. mi memoras neĝon en Tehrano en la sama dato, falantan en Tehrano antaŭ 20 jaroj.

la profesoro sciis nenion pei E-o.

2006-10-01T19:15:00.000-07:00

la konatulino,pri kiu mi notis en mia antaŭa blogaĵo, nun parolas E-on kompeneble. hieraŭ ŝi komencis sian unuan lernoperiodon en la universitato. responde al la demando: "kiujn lingvojn vi scias", ŝi aldonis ankaŭ E-on. ĉeestantoj plejparte iam pli mal pli sciis pri la lingvo, sed la profesoro sciis nenion pei E-o. ŝi komencis studi lingvistikon!

plej facila lingvo

2006-09-30T10:20:00.000-07:00

konatulino, kiu okaze de nova lernojaro, komencis daŭri sian studadon pri lingvistiko, de du tagoj estas nia gasto por ankoraŭ kelkaj tagoj. hieraŭ ŝi petis de mi lernolibron pri E-o, por iom ekscii la lingvon. hodiaŭ vespere ŝi komencis paroli kun mi E-e. mirinda estas ke ŝi ofte ĝuste uzas akuzativon!

sciencaj libroj

2006-09-28T06:17:00.000-07:00

tuj post kiam mi emeritiĝis, mi komencis labori en privata firmao, kiu publikigas sciencajn librojn, precipe por junuloj. mi helpas la firmaon elekti, verki, traduki kaj publiki librojn. bedaŭrinde vere sciencaj libroj ne estas sufiĉe abunde aĉetataj en nia societo. anstataŭe tiuj specoj de libroj, kiuj helpas studentojn sukcesi en ekzamenoj estas plej vendataj. ni ne okupiĝas pri tiaj libroj, tial la firmao ne estas sufice riĉa, kiel konkursantoj estas!

finiĝis la somero

2006-09-21T10:57:00.000-07:00

pasis longa, kaj por mi, nekutima ĉi-jara somero. en nia lando okazos morgaŭ la fina tago de la somera sezono, laŭ nia suna kalendaro. anstataŭe postmorgaŭ komenciĝos la sezono aŭtuno, kiu alvenas ĉiam kune kun malfermiĝo de lernejoj kaj universitatoj. mi diris ke la somero estis por mi nekutima, ĉar mi multe vojaĝis dume, por sperti la unuajn monatojn de mia emeritiĝo. Antaŭ kelkaj horoj mi alvenis hejmon de mia familia vojaĝo al la norda parto de la lando. mi ne planas pluvojaĝi almenaŭ dum 3 monatoj.

2006-09-10T23:51:00.000-07:00

De antaŭ du tagoj denove mi estas en mia naskiĝourbo, post kelkaj jaroj. Sirĝano, urbo situata en sudorienta parto de irano, estas mia naskiĝourbo kaj ankaŭ loko, mi komencis memlerni E-on, kie antaŭ 27 jaroj. Tiam mankis tiu ĉi mirakla komunikilo (la reto) kaj mi devis atendi monatojn por ricevi respondleterojn de miaj E-o geamikoj. Nun mi estas en ret-kafejo, kie multaj junuloj plenbrue ludas interreton! mi konstatis ke nur malmultaj vere uzas la reton por komunikado aŭ informaj celoj, anstataŭe plejprto de ĉeestantoj nur ludas aventurajn retajn ludojn. La nuna Sirĝano multe malsimilas al la urbo, kiun mi forlasis antaŭ pli ol 20 jaroj. Jam en ĝi funkcias kelkaj universitatoj, kun vigla juna vivo. Novaj enloĝantoj, kaj novaj deziroj kaj vivomanieroj. Domaĝe ke troviĝas malmaute da malnovaj amikoj ĉi tie!